Alberte Momán
Na contenda dúas forzas desiguais. Vinte cooperativas do sector leiteiro abaladas pola experiencia e o traballo diario, como no caso de Feiraco, entre outras, contra un grupiño de catro cooperativas dirixidas por ex-cargos electos do Partido Popular, agrupadas nunha nova empresa, Alimentos Lácteos S.A., que responde á perfección aos intereses dun grupo empresarial meirande, Rumasa. No medio, a factoría de Pascual en Outeiro de Rei e as potencialidades do sector lácteo galego postas, novamente, en cuestión.
Segundo informa o diario Xornal de Galicia, asunto que xa era coñecido por diversas fontes, Tomás Pascual rexeitaría a oferta feita polo grupo de cooperativas, en favor de Alimentos Lácteos S.A., despois dunha reunión co conselleiro de Medio Rural, na Casa de Galicia de Madrid.
Podemos, logo, pensar que o electorado do Partido Popular redúcese só a un pequeno grupo de pequenas cooperativas, ou é que existe unha forza maior que obriga e que marca os intereses de todo un Partido? Neste caso, o brazo armado de deus chámase Roberto Casas Abeijón, e como anxo con espada de lume cae sobre Alimentos Lácteos dende o corazón de Rumasa para asumir a xerencia da entidade que se fará cargo da factoría de Pascual en Galiza.
"Cristo reina Cristo vinga" Nos vossos santos ovários, e os ovarios de todo o sector (por continuar coa metáfora) están ben presos por un deus que non sabe de intereses xerais, que mira de manter a súa cota de poder dende a sombra, baixo a ameaza sempre presente do castigo eterno.
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.