As mensagens de apoio venhem de centrais sindicais dos cinco continentes, de 30 países diferentes. Um total de 43 sindicatos quigérom exprimir o apoio à greve geral que nesta quinta feira terá lugar no País Basco convocada pola maioria sindical basca e com o apoio de mais de meio cento de coletivos e associaçons.

Também mostrárom o seu compromisso com esta protesto de 30 de maio cinco organizaçons sindicais internacionais, destacando a FSM, que representa mais de 82 milhons de trabalhadores e trabalhadoras de todo o mundo. Também se somam a este apoio a Plataforma de sindicatos de naçons sem estado.

Entre as centrais que quigérom transmitir o apoio a esta paralisaçom de 24 horas estám as galegas CIG e CUT

Mais de 600 comités de empresa

A jornada de protesto e mobilizaçom foi convocada pola maioria sindical basca (ELA, LAB, ESK, STEE-EILAS, Hiru, CGT e CNT), para além de um cento de coletivos, associaçons e agrupaçons organizados na plataforma Gune.

Segundo informa Naiz, numha primeira recolha, mais de 600 comités de empresa de Euskal Herria já anunciárom que iam secundar a greve geral. “E o número continua a aumentar dia a dia”.

Para as organizaçons convocantes, estas adesons, e o facto de a listagem ir em aumento, mostram às claras que “a classe trabalhadora tem claro que há que responder às imposiçons e às reformas”.

Sindicatos e agrupaçons populares, ambientais, culturais, de desenvolvemento, desempregad@s... fam um chamamento à sociedade basca a sair 30 de maio à rua “para afirmar com rotundidade que nom aceitamos os cortes em Euskal Herria, que existem alternativas e que luitamos por um modelo próprio”. Assinalam que estám a realizar desde há tempo reunions e assembleias “comarca por comarca e setor por setor” para informar e para animar a fazer parte de umha mobilizaçom que ten que ser, afirmam, “um clamor geral” contra as “políticas que nos imponhem”