Com as autoridades espanholas a mostrarem na apresentaçom perante as delegaçons do Comité Olímpico Internacional (COI) um nível de inglês ridículo, typical spanish, ou a fornecerem cifras contraditórias na mesma frase, sob a sombra do desemprego e a corrupçom e também da dopagem, para além de umha importante oposiçom popular, a candidatura de Madri para organizar as Olimpíadas de 2020 foi eliminada na primeira votaçom, ficando fora apesar de que no Estado espanhol a candidatura de Madri era apresentada como a favorita para ganhar a eleiçom.

É a terceira vez que a burguesia espanhola fracassa no seu intento de ser cidade olímpica, gerando todas os intentos grandes despesas públicas, de milhons de euros. A candidatura estivo avalizada polo governo espanhol do Partido Popular em cheio, com o presidente da direita espanhola, Mariano Rajoy, presente em Buenos Aires, onde decorria a eleiçom -também polos Bourbons, falou o príncipe Felipe- e também pola oligarquia espanhola, que viam nos Jogos umha possibilidade de negócio.

Tóquio acolherá os Jogos de 2020 já que venceu na votaçom final a Istambul.