Desta maneira, no meio da sua intervençom, Giorgos Marinhos fijo umha rotunda declaraçom:

No encontro de Partidos Comunistas e Operários decorrido em Beirute há umhas semanas algum partido propujo que o Partido Comunista Espanhol organizasse o próximo encontro no Reino da Espanha. Queremos que saibam que o KKE recusou essa proposta e lutará para que o PCE nom organize este encontro.

Os motivos som mais que evidentes, o KKE identifica o PCE como um partido instalado dentro da 1ª fila do oportunismo político e com umha linha claramente euro-comunista, que pactua com a social-democracia do PSOE na Espanha e fai campanha pola Syriza na Grécia.

Nom é a primeira vez que o KKE mostra publicamente as suas diferenças com o PCE/Izquierda Unida, já que justo há um ano o KKE mandou umha carta explicando claramente o que pensava sobre o programa eleitoral de IU. Mas o anunciou de que o KKE lutará activamente por impedir que o próximo encontro seja organizado sob a direçom do PCE, supom o mais duro golpe do Partido Comunista mais forte da Europa à linha política revisionista levada a cabo pola direçom do PC espanhol, e que tantas vezes foi denunciada polos comunistas coerentes que ainda militam nele.