Foto 1: O triatleta galego Xavier Gomes Noia, prata olímpica, celebra com compatriotas galegos e galegas o seu êxito em Londres 2012.

O ferrolano Xavier Gomes Noia conseguiu hoje a primeira medalha do desporto galego, umha de prata na prova de triatlo. Antes dele, umha atleta basca e umha catalá conseguírom umha e duas, respetivamente. Esse é, no momento de redigirmos estas linhas, o total de medalhas conseguidas por umha delegaçom "espanhola" formada por umha maioria de atletas de nacionalidades diferentes da espanhola.

Com um peso catalám muito importante, basca e galega som as outras nacionalidades com umha importante presença na equipa do Reino de Espanha, umha vez que as naçons sem Estado tenhem vetada a sua participaçom direta nos Jogos Olímpicos. Alguns atlétas, como o catalám Alex Fábregas, de hóquei em campo, denunciárom recentemente a falta de alternativa para a sua participaçom nos Jogos Olímpicos, o que os obriga a vestir as cores de Espanha.

De facto, no Diário Liberdade informamos ontem mesmo sobre a proibiçom efetiva de que o público mostre bandeiras das naçons oprimidas nos estádios e instalaçons desportivas de Londres 2012. Até aí chegam as paranoicas pressons das autoridades espanholas sobre o Comité Olímpico Internacional.

Se à participaçom oculta galega, basca e catalá somarmos a de dúzias de imigrantes nacionalizados por via de urgência para poderem defender as cores do fascismo espanhol, teremos umha equipa onde os espanhóis "de gema" representam menos de metade dos que em Londres vestem o uniforme 'rojigualda'.

Entretanto, os meios de comunicaçom continuam a incorporar as medalhas galegas, bascas e catalás a um fictício medalheiro espanhol, contribuindo assim para a criaçom de umha nacionalidade mítica, a espanhola, forjada sobre a pura imposiçom e negaçom das identidades presas sob a soberania oligárquica com sede em Madrid.

Foto 2: Celebraçom, hoje em Ferrol, da prata olímpica de Gomes Noia.