O relatório foi elaborado por umha equipa acadêmica e a organizaçom de direitos humanos Reprieve e reúne toda a informaçom desclassificada até o momento sobre entregas ilegais, que pudo ser consultada ao amparo das leis de accesso à informaçom europeias e estadunidenses.

" Ao juntar todos os dados num único relatório, The Rendition Project desvela o verdadeiro alcance da rede global de tortura e prisons secretas que se formou a seguir setembro de 2001, e a implicaçom direta e indireta de numerosos países de todo o mundo", afirmou o Dr. Sam Raphael, da Universidade de Kingston, no Reino Unido.

Nos próximos meses, e com o objetivo de facilitar o trabalho de juristas e investigadores, as equipas das universidades de Kingston e Kent publicarám novas análises e umha base de dados em formato aberto que permitirá a consulta de informaçom específica sobre vóos e outras provas concretas relacionadas com casos de vítimas individuais e países implicados.

Foto: DN