"Cataláns de merda, nom merecedes nada" foi o twitter em castelhano que publicou na sua conta o diretor da 'Marca España', Juan Carlos Gafo, depois de o público catalám vaiar o hino espanhol no ato de inauguraçom dos mundiais de nataçom em Barcelona, apupo que, seja dito de passagem, foi maqueado na retransmissom da TVE ao diminuir o volume do som ambiente. Soou também o hino nacional da Catalunha que foi cantado com intensidade polo público.

Ambas as atitudes incomodárom o diretivo espanhol, que sábado de manhá se esfoçou se desculpar de novo através do twitter. Primeiro apagou o que escrevera.

Pediu "compreensom" depois de ficar "chateado" pola rejeiçom popular ao hino do Reino da Espanha, que nesse momento soava numha das naçons sem estado que o Estado espanhol nom reconhece. Entre o público umha faixa com a palavra de ordem 'a Catalunha nom é Espanha'.

Umha hora depois anunciou que "retifiquei" e justificou-se: "sentou-me mal que vaiaram o hino espanhol. Isso é todo. Nom tenho nada nem contra a Catalunha nem contra os cataláns".

E mais umha hora depois pediu "desculpas", sublinhou que "foi um erro" e que "os que me conhecem sabem que nom penso assim". No mesmo twitter já fijo pública a sua demissom. 

Desde o anúncio de Gafo até que se conheceu que o ministro de Assuntos Exteriores, José Manuel García-Margallo, decidira cassar o alto cargo da 'Marca España' trancorrêrom doze horas.

​Segundo a imprensa espanhola, García-Margallo contatou o Alto comissionado da entidade para conhecer da autenticidade da mensagem enviada por Gafo através da citada rede social. A seguir, apartou-no das suas funçons ao considerar que o seu comportamento "é intolerável e contrário ao espírito da Marca España, que ampara todas as regions (sic) espanholas".