Na Catalunha, também, está a haver umha campanha para rejeitar a visita do Papa onde participam desde os sindicatos até @s ridiculistas, com açons que vam da convocatória de greves à celebraçom de festas.
Manifestaçom "Jo no t'espero" é hoje
O acto central dos protestos na Catalunha está convocado para hoje (4 de Novembro), às 19:00 h, e será umha manifestaçom unitária contra a chegada de Ratzinger. Será na Plaça de Sant Jaume, sob o lema "Jo no t'espero" ("Eu nom te espero"), que já fora empregado na anterior visita do líder católico aos Países Cataláns, em 2006 em Valência, e que também, traduzida para o galego-português, está a ser a frase que representa a oposiçom à vinda do ultra católico à capital galega.
O manifesto "Jo no t'espero" defende a "liberdade de consciência, a autonomia do indivíduo, a separaçom entre Estado e igrejas de qualquer classe e a procura da justiça e o bem comum", apontando a laicidade como "um dos princípios fundamentais" para conseguir umha sociedade democrática.
As 60 entidades que aderiam o manifesto a dia 28 de Outubro –última atualizaçom-, também exigem o cumprimento de umha série de pontos, como a protecçom das crianças da superstiçom e a irracionalidade, e da manipulaçom nas escolas, a perseguiçom pola lei dos cregos pederastas, que a religiom nom seja financiada polos impostos, a liberdade a viver segundo a condiçom sexual de cada quem, etc. ...
Além dessa concentraçom unitária, há vários actos programados por cada umha das associaçons que se oponhem à visita do ex-militante das Juventudes Hitlerianas, atual Papa Bento XVI, e que serám celebrados em diferentes momentos.
Entre estas açons, está a manifestaçom sob o lema "Les dones no t'esperem" ("As mulheres nom te esperamos"), com umha concentraçom homónima na Galiza, convocada polas Dones Feministes de Catalunya, que no seu comunicado dizem que "a sua presença [a de Bento XVI] nos violenta". Será na Plaça Universitat, dia 7 às 11:00.
Bandeiras para que Bento saiba quem nom o quer
Tal como acontece em Compostela, em Barcelona as varandas e janelas dos lares estám a ser decoradas para recever o Papa com bandeiras com umha mensagem mui direta: "Eu nom te espero".
Como verificou um repórter do Diário Liberdade, é difícil caminhar polo centro da cidade catalá sem encontrar algum colante ou algum cartaz onde com a mensagem, clara e firme, que convida Bento XVI a compreender que há muita gente que nom o receve com agrado.
Greve desconvocada
Umha das iniciativas de protesto das que mais se falou nos últimos dias em Barcelona foi a greve de autocarros de 24 horas convocada pola CGT a 7 de Novembro, coincidindo com a visita de Ratzinger.
Porém, a empresa encarregue dos transportes metropolitanos da capital catalá, a TMB, pediu dia 27 para o Governo Catalám a ilegalizar, por ser convocada por motivos políticos e nom laborais. Também Assumpta Escarp, dirigente de Segurança e Mobilidade da cidade, e umha das cabeças da campanha de criminalizaçom de Kaos en la Red, pediu a ilegalizaçom do protesto.
A CGT optou por desconvocar a greve, dado que, em efeito, a legislaçom repressora atual, "injusta e restritiva", apenas permite a mobilizaçom por "questons internas de onde trabalham" as pessoas, e nom por questons que as afetam fora, de jeito que a greve ia ser ilegalizada com total certeza, segundo dijo o voceiro do sindicato.
Afastem @s pequen@s... que vem o Papa!
Umha outra das frases que se podem ver em Barcelona estes dias, no desenho dumha camisola contra a visita de Bento XVI, é "Aparteu les criatures... que vé el Papa!" ("Afastem @s pequen@s... que vem o Papa!), em referência aos casos de pederástia na Igreja Católica. O desenho é da cooperativa La Ciutat Invisible.
Fotos: 1, Jo no t'espero - Imagem da campanha contra a visita do Papa a Barcelona: "Eu nom te espero"; 2, SQNF - O Papa no cartaz do "Caminho A Teu" (Teu - Galiza) de protesto pola sua visita à Galiza; 3, La Ciutat Invisible - "Afastem @s pequenos... que vem o Papa!"