Os dous foram detidos em Portozinho no 2007, acusados de transportar um artefacto explosivo. Após permanecerem mais de dous anos em prisom preventiva, foram condenados pola justiça espanhol por 'danos terroristas'. A política de endurecimento repressivo face o independentismo galego fijo que o Tribunal Superior passara a qualificar os factos como 'depósito de explosivos', multiplicando a condena a quatro anos.

Campanha de solidariedade

Como já comentamos à tona da detençom de José Manuel Sanches, este endurecimento coincide com umha campanha mediática contra a resistência galega -que mesmo pretende relacionar organizaçons e associaçons legais com as sabotagens- orquestrada polos jornalistas cercanos às autoridades do Estado.

Para o dia de amanhá Ceivar convoca umha concentraçom em Compostela, nos julgados de Fontinhas às 9h30 em mostra de solidariedade com os detidos. O dia 11, aliás, o Mádia Leva! de Lugo acolherá umha "Jornada Anti-repressiva", que incluirá entre outras muitas atividades umha palestra de Ceivar às 19h00, na que se dará especial atençom a estas recentes detençons.