A CIG, que publicou no seu site umha entrevista com o seu secretário-geral, apela a participar nas suas 11 manifestaçons, em Vigo, Corunha, Ponte Vedra, Compostela, Ferrol, Ourense, Lugo, Vila Garcia, Noia, Foz e Cee. Nas diferentes comarcas, prepara-se a organizaçom da jornada, tentando mobilizar o maior número possível das bases para favorecer, mediante a organizaçom de piquetes, a participaçom dos quadros de pessoal das empresas, evitando as coacçons patronais.

A CNT, que nos últimos dias tem organizado concentraçons e repartiçom de propaganda sindical em diferentes cidades e zonas obreiras, fijo um apelo à classe trabalhadora galega a participar na jornada, afirmando que "está na hora de luitar" e de nom dar "nem um passo atrás". A organizaçom de Ferrol fijo um apelo específico para participar no comício que os anarco-sindicalistas convocam às 14 horas no seu local social da Avenida de Esteiro, número 10.

A CGT informa no seu site da convocatória de duas manifstaçons, umha na corunha às 12:30, com saída da praça de Portugal, e outra em Ponte Vedra, às 13 horas, com saída da praça da Ferraria.

A CUT tem tido emitiu nas últimas semanas numerosos comunidados abordando diferentes aspectos da reforma labora e da crise capitalista em curso, e apelando à adesom à greve geral, se bem ainda nom fijo pública a sua participaçom em manifestaçons no próprio dia 29.

A COG emitiu um comunicado de apoio à greve geral, sem concretizar a sua participaçom em mobilizaçons e exigindo a retirada da reforma laboral, a demissom do governo espanhol e a nacionalizaçom da banca.

Também CCOO e UGT, centrais integradas plenamente no sistema, tenhem realizado umha importante campanha de apoio à greve. As duas convocam conjuntamente manifestaçons nas principais cidades e vilas da Galiza no dia 29, participando nos piquetes conjuntos acordados com a CIG e, nalguns casos como o de Ferrol, com a própria CNT.