O incêndio nocturno chegou a ameaçar o lugar da Ramalheira, mas finalmente nom chegou a afectar as casas da zona.

Junto com as zonas húmidas da Frouxeira e Doninhos, a lagoa de Pantim é umha das zonas de maior interesse natural. A de Pantim, chamada Lagoa da Rega, tem 56 hectares, cobertas de vegetaçom e fauna característica da costa atlántica, constituindo o maior carriçal da Galiza. Em torno desse espaço existe também literatura popular associada à suposta existência da cidade romana de Lucerna no fundo das suas águas.

O deste domingo é o segundo grande incêndio que atinge a lagoa da Rega, depois do que calcinara o seu carriçal no ano 1995.

Para ver sobre o terreno as centenas de incêndios que neste Verao arrasárom a Galiza, é só dar umha vista de olhos ao mapa dos incêndios na Galiza 2010, neste link: