O Auditório da Galiza de Compostela acolhe amanhá um concerto solidário com a língua galego-portuguesa e em prol do direito das crianças galegas a serem educadas no português da Galiza.
Assim, as cantoras galegas Guádi Galego, Uxia Senlle e Ugia Pedreira e os músicos brasileiros Fred Martins e Sérgio Tannus junto ao guitarrista galego Guilherme Fernandes oferecerám um concerto que visa angariar dinheiro para a primeira Escola de Ensino Galego, a escolinha para crianças A Semente.
A Semente é um jardim de infáncia que oferta um ensino laico que aposta pola coeducaçom impulsionado polo tecido associativo galego. Aliás é o primeiro projecto existente na Galiza onde a língua ambiental é veicular é o galego-português e nom o espanhol como acontece no resto de centros destas características que há no nosso país.
Segundo exprimem no site da escola Semente "Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional; criando um espaço de interculturalidade formentará-se a importáncia do respeito a outras culturas que vivem no nosso país".
Quem quiger gozar de um bom concerto e, ao mesmo tempo, contribuir com a revitalizaçom da nossa língua pode comprar os ingressos na Gentalha do Pichel ou em Discos Gong (10€) durante o dia de hoje ou amanhá a 12€
Aliás, a organizaçom adverte que também tenhem umha "fila 0" para que nom puder vir ao concerto mas sim contribuir com o ensino na língua da Galiza.
À tarde, a ludoteca Semente (rua salvadas 47) abrirá as portas para as visitas e será gratuita das 16h às 20h.