O grupo galego mais conhecido e reconhecido a nível internacional aproveitou o seu concerto de ontem na Corunha para reivindicar a identidade galega e a nossa cultura nacional frente às declaraçons xenófobas da vereadora de Cultura da Cámara da cidade herculina, Ana Fernández, depois de ter atacado a cultura galega ao considerar pejorativamente que as festas de Maria Pita dos últimos quatro anos foram "demasiado gallegas".

"Este é um concerto demasiado galego. Na Corunha nunca se nos valorizou. Somos galegos e somos da Corunha; acreditamos que a autoestima de um povo é o mais importante", espetou o líder do grupo, Bieito Romeiro, perante 5.000 pessoas,  que ateigavam o lugar e entre as que estava a política espanholista, protagonista da polémica.

Nom é a primeira personagem pública que critica as declaraçons da vereadora. A jornalista catalá de origem galega, Júlia Otero, censurou também no seu twitter as palavras racistas desta política, como já tinha feito quando o galego-português foi discriminado na inauguraçom do shopping Marineda City.

Por seu turno, a organizaçom independentista Nós-UP foi a única que pediu a demissom da política do Partido Popular perante a gravidade das suas declaraçons.