Mais de 10.000 mineiros manifestárom-se no passado fim de semana no sul do país contra a as medidas que querem reduzir a extracçom de ouro, único sustento dos trabalhadores, sem apresentar nengumha alternativa às 100.000 pessoas empregadas de maneira informal num sector que extrai 20 toneladas e gera 600 milhons de dólares por ano no Peru.
Nom é a primeira vez que o governo neoliberal de Alan García "resolve" a tiro conflitos com as populaçons pobres. A resistência indígena às concessons a empresas mineiras e petroleiras na selva amazónica fijo várias mortes meses atrás, naquela ocasiom defendendo a exploraçom dos recursos, enquanto desta vez utiliza a escusa do controlo da extracçom por motivos ambientais para justificar a agressom a um sector que, caso precise de umha reforma, nom será ela baseada nos disparos da polícia contra quem defende o direito ao trabalho.