Retranca indica no seu blog que "depois de mais de três anos nos quiosques galegos, e com 30 números às costas, umha revista galega e em galego (mas sem subvençons), consegue estar nominada na categoria de Melhor Revista no prestigioso Salom da Banda Desenhada de Barcelona". Da revista agradecem às pessoas lhes terem votado, e apontam que isso é já um prêmio.
Ainda, pedem para @s leitoras e leitores os apoiarem votando nos Prêmios Populares. Pode-se fazer nesta ligaçom.
Censura
A revista "Retranca" foi alvo de censura pola imprensa de Múrcia que imprime os exemplares durante a fracassada visita do líder católico Ratzinger a Compostela. A revista galega desenhou umha capa crítica com a visita papal. A imprensa tentou seqüestrar a publicaçom por alegadas "razons morais", mas Retranca evadiu a manobra e chegou aos quiosques.
Foto: Capa do número de Retranca que a imprensa ultra-católica tentou seqüestrar.