Apesar da chuva, mais de umha centena de pessoas solidárias deslocárom-se até as portas da prisom da Lama para reclamar liberdade para Miguel, filiado da CUT preso nessa cadeia perto de Ponte Vedra.

As pessoas participantes na concentraçom coreárom diferentes palavras de ordem contra a repressom e pola libertaçom dos presos e as presas políticas. O secretário-comarcal da CUT em Vigo, Temo Varela, foi o encarregado de dirigir umhas palavras às presentes, lembrando que a repressom sofrida polo companheiro Miguel tem como objetivo servir de exemplo e evitar que a juventude trabalhadora se auto-organize para luitar polos seus direitos.

Varela sublinhou que os tempos de crise sistémica que vivemos provocam a resposta repressiva do Estado contra quem nom se resigna a padecer passivamente a ofensiva do capital contra o mundo do trabalho, sendo Miguel Aparício um exemplo para a classe trabalhadora e para o conjunto do povo trabalador galego.

O Comité de Solidariedade e Apoio a Miguel vai continuar a dinamizar todo o tipo de iniciativas para denunciar o arbitrário encarceramento de Miguel e exigir a sua liberdade.

Oferecemos a seguir algumhas imagens da concentraçom decorrida no meio-dia de hoje em frente à prisom da Lama.