A Plataforma em Defesa da Sanidade Pública de Ferrol decidiu convocar a 'grande mobilizaçom comarcal' para dia três de março após analisar os orçamentos da Junta da Galiza e as listas de espera.
Além da mobilizaçom decidiu-se apoiar o fechamento de 24 horas no Hospital Arquitecto Marcide convocado polos sindicatos do ámbito sanitário para dia 7 passado em denúncia dos cortes ao pessoal e aos/às usuários/as e os protestos deste mesmo coletivo para dia 17 deste mês em defesa da Sanidade Pública. Ainda, o plenário resolveu apoiar a mobilizaçom convocada polos Comités de Empresa de Astano e Bazán para domingo 24 de fevereiro em demanda de trabalho para os estaleiros públicos.
A comarca de Trasancos está chamada a domingo 3 de março às 12 do mediodía a umha grande mobilizaçom emn Defesa da Sanidade Pública, contra os cortes, as privatizaçons e o duplo pagamento.
Foto: Ártabra21
