O Local Social A Revira, situado na rua Gonzalo Gallás 4 de Ponte Vedra, organiza várias atividades ao longo da segunda metade deste mês de outubro. A Revira define-se como "um espaço alternativo galego inserido e ao serviço do movimento popular da comarca de Ponte Vedra" e desenvolve as suas atividades, "com visom de País" e "de esquerda anticapitalista" desde fai umha década.
Entre os eventos programados pola Revira para este mês (cuja programaçom também pode ser consultada na Agenda da Liberdade), destacam duas jornadas dedicadas aos Países Cataláns, que incluirám palestras sobre história, música, documentários e gastronomia. Também se celebrará a tradicional festa do Samaím.
Microdoaçom de 3 euro:
Eis o que a Revira traz a Ponte Vedra em breve:
Sábado 19 de Outubro: Saída micológica às 11h aos montes da comarca de Ponte Vedra. Nova sessom do grupo de estudos da Revira. UE crise e alternativas. Será às 19h. Podedes apontar-vos a ambas atividades em: centrosocial@revira.org
Quinta-feira 24 Outubro: Apresentaçom do livro "Historia de Galiza" por parte do historiador galego Anselmo López Carreira. Coorganiza a Liga Estudantil Galega
Sexta-feira 25 e Sábado 26: Sexta-feira 25: Charla-colóquio às 20:30: 'Introduçom histórica aos Països Cataláns'. Sábado 26: Projeçom às 18:30 do documentário 'Del rog al blau´. Degustaçom de produtos cataláns às 20h. Concerto às 21:30 na Posada Indiana (Rua Naranjo 25) a cárrego do cantautor catalá Cesk Freixas. Bilhete: 6€ com consumiçom
Quinta-feira 31 de Outubro: Noite de Samaím. Magusto e obradoiro de cabaças a partires das 19h. Palestra às 20:30: 'Origens do Samaím e vinculaçom com a cultura galega´. Ceia popular e queimada às 22h. Apontar-se em centrosocial@revira.org
