Em concreto, fôrom tirados os números 17, 18 e 19, coincidindo com três acontecimentos de releváncia para a juventude galega.

Em primeiro lugar, o jogo da seleçom nacional de futebol em Ponte Vedra contra Curdistám. Encontro amigável e auspiciado sem qualquer apoio institucional polo histórico coletivo Siareir@s Galeg@s. Mais um mês de dezembro, centenares de pessoas, marioritariamente jovens, participamos numha jornada de reivindicaçom pragada de atividades como: reconhecimento a desportistas galegas, apresentaçom do futebol gaélico, concertos, etc.

Já em 2013 começamos informando a respeito da modificaçom legislativa que promove o ministério de educaçom espanhol. Um vozeiro dedicado a denunciar o conteúdo confissional, privatizador, elitista, retrógrado, acientífico, recentralizador e espanholizante da Lei Orgánica de Melhora da Qualidade do Ensino.

E por último, estamos agora mesmo dando canha polo nosso idioma. Um labor complexo entre as novas camadas populacionais que fomos criadas na "desidentificaçom" com a língua do nosso país enquanto nos familiarizam com espanhol (basicamente) e inglês. Porém, tam complexo é como esperançador. As múltiplas voltas que dá a história estám aí para dar umha oportunidade a este país e a sua cultura. E nós continuaremos trabalhando polo idioma do povo para fazer possível que, chegadas as condiçons, alguém poda premer no interruptor e desbloquear a dialetalizaçom e ritualizaçom dos usos do galego. Enquanto tivermos vida, ninguém poderá apagar o sonho de recuperar o terreno roubado.

ORGANIZA-TE E LUITA!