Na próxima semana um simpatizante de NÓS-UP que colaborou na campanha eleitoral que a nossa organizaçom desenvolveu nas últimas eleiçons ao Parlamento autonómico galego está chamado a declarar nos julgados de Ortigueira. Em Setembro serám outras duas pessoas as que terám que declarar nos julgados de Ferrol.

Os factos remontam-se aos dias prévios a 1 de Março quando NÓS-UP desenvolvia a campanha eleitoral e a militáncia e simpatizantes de NÓS-UP atopavam-se com o assédio policial que tentava obstaculizar a mensagem da esquerda independentista nas ruas do País.

Seguimentos, identificaçons e requisa de material propagandístico por parte de elementos da polícia espanhola e da Guarda Civil foi a tónica de essas semanas nalgumhas comarcas galegas.

Na altura, a nossa organizaçom denunciara ante a Junta Eleitoral, sem ter resposta, a retençom durante mais de umha hora dos três companheiros agora chamados a declarar pola policía espanhola em Ferrol, assim como a incautaçom de diverso material agitativo por parte do corpo repressivo espanhol. 

Estes três companheiros já fôram julgados e absoltos há agora um ano quando fôram denunciados pola policía espanhola de um delito de “deslucimento de fachadas” por realizar um mural de grandes proporçons na rua Amália Fraguela solicitando o voto para NÓS-Unidade Popular dentro da mesma campanha.