Galiza - Galizalivre - O MpDC di aguardar a que se reuna a Comissom Galega de Segurança Cidadá –que leva contra os seus estatutos dous anos sem se reunir- para tratar as atitudes violentas da polícia nacional espanhola face os símbolos galegos. Lembram que a guarda civil "formava sobre simbologia galega para que os seus agentes tivessem precauçons com que as portara". Denunciam, aliás, a presença nas carrinhas policiais de bufandas com legendas anti-galegas do estilo "Isto é Espanha, e quem nom goste que marche".
Criticam que no Dia da Pátria Galega a polícia espanhola impedisse o passo a quem levasse bandeiras galegas; na Zabacharia houvo quem tivo que sacá-la do mastro para poder passar, ao tempo que um agente espanhol afirmava que "se fosse a espanhola nom havia problema". Detectárom também cacheios de mochilas nas proximidades da Alameda "sem nengum motivo aparente", especialmente a jovens que portavam simbologia galega.
Outro dos pontos da crítica do MpDC é a actuaçom da polícia espanhola "fronte as manifestaçons autorizadas criando cordons policiais tam pegados aos manifestantes que levárom a situaçons de tensom que acabárom em cargas". O organismo vinculado ao BNG nom questiona, porém, a forte vigilância policial que padeceu o independentismo na capital galega no Dia Nacional, senom que mesmo aconselha que "a vigilância policial deve-se realizar a umha distança prudente e sem criar situaçons de perigo. Para o MpDC a inobservância destas mínimas regras fôrom os motivos reais das cargas policiais".
O MpDC apresentará escritores perante o "Defensor del Pueblo" e a inspecçom de pessoal da Polícia Nacional espanhola.
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
