Concretamente, as novas datas fixadas para as três sessons do juízo som os dias 20, 22 e 23 de maio. É a segunda vez que este julgamento é adiado (a primeira vez foi em outubro de 2012), e desta volta as razons som a ausência de umha das testemunhas citadas por encontrar-se fora do Estado espanhol nas datas previstas e o erro na citaçom de umha das pessoas encausadas.

As 12 pessoas foram denunciadas após os protestos decorridos em Compostela a 8 de fevereiro de 2012 contra a manifestaçom convocada polo grupúsculo ultra anti-galego Galicia Bilingüe, apoiado pola extrema direita e o fascismo espanhóis (PP, UPyD e Falange).

As acusaçons contra @s militantes em defesa da língua som de "desordens públicas" em todos os casos, engadindo-se nalguns deles as de "danos", "lesons" ou "atentado contra a autoridade". As petiçons de cárcere chegam aos 46 anos e sançom económica aos 34.000 euros.