No passado sábado, quinze de Setembro, os «cuerpos y fuerzas de seguridad del estado»realizarom umha nova operaçom contra o independentismo, tendo como resultado o seqüestro de até cinco moços galegos.
O que conhecemos dos feitos, maiormente é devido a informaçom dada polos meios de comunicaçom que, a sua vez, forom informados diretamente polas forças de ocupaçom. Esta informaçom fala-nos de cinco moços detidos, quatro já em Madrid incomunicados baixo a jurisdiçom da «lei anti-terrorista» espanhola e um posto em liberdade. Amais das detençons, efetuarom-se registros nas vivendas dos detidos e um veículo foi requisado porque «supostamente» continha explosivos.
Perante esta nova operaçom policial contra o independentismo, da AMI queremos comunicar que:
- Queremos trasladar todo o nosso apoio aos cinco moços detidos o passado 15 de Setembro. Amais de denunciar a «Lei anti-terrorista» que fai que quatro deles continuem incomunicados até cinco dias depois do seu seqüestro «legal» por parte da Audiencia Nacional espanhola. Umha aperta solidária a eles, e às suas familias e amizades.
- Denunciar que os meios de comunicaçom continuarom com a sua servidume ao Ministério de Interior, voltando sacar os tam recurrentes adjectivos de «terroristas«, «radicais independentistas«, «atentados a punto ocorrer«, etc. Está claro que a presunçom de inocência no Estado Espanhol só serve para políticos e corruptos, nom para as que combatem ao régime.
- Voltar proclamar que estas últimas quatro detençons nom vam parar ao independentismo galego. Nom nos vam conseguir amedrentar! A nossa Terra continuará com o seu caminho de luita e combate contra Espanha e o Capital. Inda ficam muitas batalhas, mas temos a absoluta certeça de que este é o caminho. Venceremos nós!
- Agradecer a rápida resposta popular e solidária que nom se fixo esperar. Já pola madrugada do Domingo, grupos de solidárias concentravam-se diante das vivendas dos detidos, com a intençom de apoiá-los. Ontem solidárias em Compostela e em Ourense manifestarom-se polas ruas das suas respetivas cidades. Hoje é em Lugo e em Vigo.Galiza denuncia o seqüestro dos seus combatentes!
