Até o de agora 6 companheiros e companheiras independentistas fôrom detidos/as em Vigo, Lugo e Compostela e transladados, em aplicaçom da chamada lei anti-terrorista à Audiência Nacional em Madrid, onde agora estám completamente incomunicados.
Sem que existem nengumha acusaçom fundada nem garantia dos elementais direitos de presunçom de inocência, os responsáveis e colaboradores desta operaçom procedem como era de supor, como neles é próprio ou tenhem evidenciado em situaçons anteriores: realizando espetaculares montagens mediáticas e para-policiais e de linchamento público, utilizando os meios de desinformaçom burgueses para amedrentar, intoxicar e acusar de presuntas atividades "terroristas".
Diante desta manobra de perseguiçom que se desenvolve contra pessoas e coletivos, os comunistas galegos e galegas, que por estarmos na luita conhecemos a trajetória militante e consequente dos e das companheiras agora detidos, queremos rejeitar com firmeza esta nova operaçom dos que dim chamar-se "democratas" e "respeituosos" com as normas legais, mais umha vez reproduzidas e amplificadas desde a totalidade da imprensa burguesa e manipuladora.
Os e as comunistas do PCPG consideramos que esta operaçom repressiva, precedida por umha campanha de assédio contra organizaçons e movimentos populares (especialmente centros socaiis) artelhada polos setores mais cavernários da reaçom, forma parte dum plano de atemorizaçom que se desenvolve contra coletivos insubmissos ou rebeldes, contra moços e moças que nom recuam perante os planos da oligarquia que nos assovalha.
Os companheiros e companheiras agora perseguidos formam parte do grande ativo de luitadores e luitadoras do nosso povo com os que coincidimos em projetos e frontes de luita e movimentos populares que compartimos. Em consequência queremos expressar aquí, com meridiana claridade, que os e as comunistas do PCPG, nom imos recuar diante destes operativos do regime imperialista espanhol nem declinar das nossas obrigas revolucionárias, nacionais e de classe ao serviço da Soberania Nacional da Galiza e do nosso povo trabalhador.
Queremos expressar também a nossa solidariedade mais fraterna com os seus familiares, amigos e achegado/as entre os que nos consideramos, e a nossa disponiblidade para todo o apoio moral e material que esteja da nossa mao e ao nosso alcance.
O PCPG considera preciso travar esta nova ofensiva contra a dignidade e rebeldia com a que se expressa a organizaçom crescente da mocidade e classe obreira galega, assim como contra as incessantes agressons que sofremos (do que é mostra a criminalizaçom destes moços e moças independentistas).
Os e as comunistas do Partido Comunista do Povo Galego consideram preciso expressarmos a nossa condena mais enérgica chamando à solidariedade mais incondicional com todos os que sofrem linchamento, violaçom e maltrato polos poderosos aparatos do sistema; com todos os que som conduzidos ao cárcere, por defenderem liberdades e direitos irrenunciáveis sociais e nacionais.
Manifestemo-nos em solidariedade e apoio aos detid@s e repressaliad@s!
CONTRA O GRANDE CAPITAL E A REPRESSOM. TOD@S À RUA!
