O maltrato por parte das políticas anti-imigraçom do Estado é umha das características do regime espanhol. Isso sim, em umha linha de coerencia capitalista perfeita, castiga-se a procedência de clase; a classe obreira internacional depara-se com muros e forças repressivas, mentres que as massas de estrangeiras com dinheiro que venhem consumir -turistas- som fomentadas e tratadas com deferência.

Do Fórum denunciam as "identificaçons raciais" pola rua, em centros de saude ou estaçons de autocarros, para intentar "caçar" às arredor de 10 mil pessoas que se calcula vivem sem papeis no Reino de Espanha, e simplemente como agressons gratuitas às que si tenhem documentaçom.

Ademais da anulaçom de direitos, em umha legistaçom que desde a etapa de Jose Maria Aznar no governo de Madrid nom figerom mais que perseguir as migrantes."Isto obedece claramente a critérios políticos", manifesta o comunicado do FGI.

A outra cara desta moeda é a da dura emigraçom que simultaneamente golpeia a Galiza, onde cada dia marcham de meia 17 jovens.