O peche conta co apoio de alumnos, ex-alumnos, profesores e sindicatos así como das forzas políticas con representación no Parlamento da Galiza que se posicionarán favorábeis á implantación, a excepción do PP que nin acudiu a reunión coa Plataforma.

O peche manterase como mínimo até que a Axencia para a calidade do sistema universitario de Galicia (Acsug) emita o informe sobre o que se sustentará no Consello galego de universidades para darlle o visto bo a esta nova titulación. A Plataforma expresa as súas reservas coa mínima independencia da Acsug así como a do seu presidente, José Eduardo López Pereira quen foi Director Xeral de Universidades cun goberno do Partido Popular no 2005.

Dende a Liga Estudantil Galega animamos ao estudantado do Campus de Ourense así como a cidade de Ourense a apoiar a implantación do grao de Enxeñería Física no Campus de Ourense e as accións que leven a cabo a Plataforma Pro Campus para conseguirmos dita implantación.