O horário do acampamento será de 9h a 14h com possibilidade de ampliar o horário às 15hs contanto com serviço de comedor.
Este acampamento urbano é de caráter aberto, polo que poderám assistir todas as crianças que quiserem, sempre que as suas idades estejam compreendidas na etapa de primária, de 5 a 11 anos.
O acampamento desenvolverá-se nos meses de julho e agosto. O horário normal do acampamento será de 9h a 14h. Com a possibilidade de um horário ampliado por serviço de comedor (14h-15h) –consultar preços-.
Os preços variarám segundo a duraçom e tipo de acampamento eleito:
- Acampamento semanal: 25 euros.
- Acampamento mensal: 80 euros, com o desconto de 20% para @s irmás/aos que se inscrevam a partir do segundo.
- Acampamento completo: 120 euros, com o desconto de 20% para @s irmás/aos que se inscrevam a partir do segundo.
1.APRESENTAÇOM DO PROJETO:
Este acampamento de verao pretende promover a atividade lúdica com umha orientaçom educativa. Optamos por umha educaçom através de relaçons de igualdade, cooperaçom entre pessoas, o ensino-aprendizagem de valores, habilidades, atitudes, conhecimentos...
A integraçom das crianças desde as primeiras etapas educativas na cultura de um grupo social é primordial, relacionando diretamente os valores e atitudes, fomentando o respeito e a convivência.
Acolhemos todos e cada um dos pontos das Escolas de Ensino em Galego, é por isso que nom há melhor forma que apresentar as suas bases como as nossas, um mesmo fundo em duas vertentes diferentes:
Princípios pedagógicos das Escolas de Ensino Galego. (info.sementecompostela.com)
Nas Escolas de Ensino Galego, todas as atividades som desenvolvidas em galego, favorecendo a aquisiçom, conservaçom, cuidado e consolidaçom do nosso idioma. Entendemos a língua galega e o seu carácter internacional como parte indissolúvel da nossa cultura, da nossa história e do nosso futuro. (...)
As Escolas de Ensino Galego som um espaço laico. A educaçom laica representa a liberdade de consciência e do direito humano, da toleráncia e da democracia. Umha escola livre de qualquer imposiçom, propaganda ou doutrinamento religioso. (...)
As Escolas de Ensino Galego som um espaço de coeducaçom. Um espaço de educaçom integral para as crianças com umha educaçom baseada na igualdade de género em todos os aspetos da vida. Um espaço nom patriarcal e sem machismo que favorece o caminho das nossas crianças para o empoderamento, quer dizer, para assumirem o controlo da suas próprias vidas.(...)
As Escolas de Ensino Galego defendem a liberdade responsável, o respeito e a autorregulaçom; a educadora ou educador confia plenamente na criança; respeita-a como pessoa respeitando também as suas emoçons, tentando proporcionar as ferramentas para elas solucionarem os seus conflitos por si mesmas. Tenta-se favorecer a plena consciência por parte da criança da sua liberdade, mas também da existência de uns limites básicos de respeito a outras pessoas e ao seu contexto. (...)
As Escolas de Ensino Galego som um espaço educativo interativo onde a pessoa educadora é umha mediadora que acompanha a criança no seu processo de aprendizagem; a relaçom pedagógica consiste no provimento das condiçons em que educadora e criança podam colaborar para fazerem progredir essas trocas que favorecem o desenvolvimento integral dos pequenos e pequenas e a aprendizagem mútua. (...)
2. CRITÉRIOS PEDAGÓGICOS:
- Facilitar a livre expressom e criatividade: fomentar a espontaneidade, a liberdade de opiniom assim como a criatividade individual e coletiva através do jogo. Incidirmos assim na melhora da seguridade, confiança e autoestima. Todo dentro dum clima relaxado, sem pressom e sem ánimo competitivo.
- Atitude crítica e investigaçom: fomentar dinámicas de participaçom e aprendizagem coletiva e individual, focadas na análise da realidade, a sua observaçom e razoamento sobre o que nos rodeia. A intençom é conseguir que as crianças se interesem pola investigaçom, despertar e reforçar a sua curiosidade, motivaçom e interesse polo meio natural e a sociedade que nos atopamos com os seus distintos parámetros culturais.
- Educaçom em valores e hábitos: umha maneira de formar pessoas responsáveis e solidárias, com capacidade para eleger, opinar e fazer propostas; assim como conseguir que sejam respeituosas com o meio ambiente e o entorno urbano e cultural que nos rodeia e com o que convivemos.
- Aceitaçom da diversidade: Propício do respeito à identidade de cada criança, assim como a aceitaçom e respeito à diversidade social ou cultural e contribuindo ao desenvolvimento da sua personalidade.
- Trabalho em grupo: Com atividades que promovam dinámicas de equipo, nom só de caráter ativo senom também reflexivo, assim como a conjunçom de ambas estratégias através do jogo.
3. CONTEÚDOS EDUCATIVOS:
- Conceptuais:
• O corpo; expressom de sensaçons.
• A identidade
• Sentimentos e emoçons próprias e d@s demais
• Movimento no espaço e no tempo, através de distintos tipos de música.
• Costumes e diferentes estilos de vida.
• Diversos tipos de danças
• Linguagem visual e plástica como instrumento de comunicaçom
• Diversas formas de expressom; teatro, contos ...
- Procedimentais
• Utilizaçom das danças para explorar o corpo e identificar sensaçons
• Observaçom e exploraçom
• Expressom e manifestaçom corporal.
• Experimentaçom com diversos materiais.
• Conhecimento de similitudes e diferenças.
• Coordinaçom, colaboraçom e ajuda com outras pessoas.
4. ATIVIDADES:
O nosso principal objetivo é que a totalidade de participantes desfrutem do verao realizando muitíssimas de atividades lúdicas: desde talheres com atividades manuais, prática de desportos nos parque ou arredores, passando por excursons culturais. As atividades serám diferentes todos os dias e versarám sobre um tema semanal.
PROGRAMA DETALHADO:
Ainda que cada semana estará subordinada a umha temática determinada, nom fecharemos as atividades diárias, pois baseando-nos nos princípios anteriormente explicados, estas serám ordenadas e elegidas entre a educadora e as crianças no início de cada jornada; assim, todas as manhás, durante a primeira media hora haverá umha juntança onde decidiremos como queremos distribuir o dia.
Esquema de trabalho:
9h-9:30h – ASSEMBLEIA DE DISTRIBUIÇOM DAS ATIVIDADES
9:30h-10:15h – PRIMEIRA ATIVIDADE
10:15h-11h – SEGUNDA ATIVIDADE
11h-11:30h – DESCANSO DE JOGO LIVRE E MERENDA
11:30h-12:15h – TERCEIRA ATIVIDADE
12:14h-13h – QUARTA ATIVIDADE
13h-14h – ASSEMBLEIA DE VALORIZAÇOM E SESSOM DE DESCANSO
A seguir marcamos as pautas semanais, serám os temas sobre os quais se centrarám todas as jornadas e dos quais nom só desfrutaremos, senom que se converterám em grandes focos de aprendizagem, debate e jogo:
- Semana 1: A música.
- Semana 2: O teatro (animaçom à leitura).
- Semana 3: Repassamos e aumentamos os nossos conhecimentos.
- Semana 4: Jogos e desportos (saída).
- Semana 5: Arte e trabalhos manuais.
- Semana 6: O nosso corpo (relaçons sociais).
- Semana 7: Conhecemos o nosso entorno –ciência e natureza- (saída).
- Semana 8: A dança.
- Semana 9: Preparamos o Festival de fim de curso.
-
• A MÚSICA: conheceremos cantigas populares galegas e de outros lugares do mundo, aprenderemos a base da linguagem musical e trabalharemos o ritmo. A música fará de nós bailarinos, cantantes, músicas e até compositoras!
• O TEATRO: Partindo de jogos para a animaçom à leitura aprenderemos a encenar, marionetes e monólogos sobre cousas que nos preocupam... Chegaremos a mundos inimagináveis!!
• OS NOSSOS CONHECIMENTOS: repassaremos o que aprendemos no cole o passado curso, e olharemos desde novas perspetivas como podemos aprender... Para que serve ler ou somar? Um universo de letras e números que nos atrapará!
• JOGOS E DESPORTOS: cooperaçom, participaçom e jogo em grupo será o cerne das nossas atividades. Achegaremo-nos aos jogos populares, aos dos nossos avós e avoas. Trabalharemos a psicomotricidade e a relaxaçom... ( DIA DE SAÍDA).
• ARTE E TRABALHOS MANUAIS: pintar, colar, recortar... mas sobre todo criar! Dar soltura à nossa imaginaçom com todo tipo de materiais. Aprender como com fantasia, ideias e um pouco de paciência podemos converter o que já existe no que queiramos! Reutilizar e reciclar, duas portas à imaginaçom...
• O NOSSO CORPO: O conhecimento do nosso corpo também nos ajudará a conhecermos a nós mesmas e aos demais. Nom todas somos iguais, mas a diversidade vai achegar-nos a um mundo fantástico de onde aprender uns das outras e desfrutar do fermoso da diferença!
• O NOSSO ENTORNO: A importáncia de conhecer a nossa flora e a nossa fauna... a importáncia das curiosidades e maravilhas que podemos atopar... seremos exploradoras da nossa terra! Mas nom só, viajaremos além das estrelas... (DIA DE SAÍDA)
• A DANÇA: a través da dança conheceremos a nossa cultura, assim como muitas outras do mundo. Trabalharemos o ritmo e a psicomotricidade além de divertirmo-nos muito!
• FESTIVAL: com todas a habilidades aprendidas montaremos um festival: teatro, baile, atuaçons musicais, poesia, etc.
5. DATAS, PREÇOS E INSCRIÇOM:
Este acampamento urbano é de caráter aberto, polo que poderám assistir todas as crianças que quiserem, sempre que as suas idades estejam compreendidas na etapa de primária, de 5 a 11 anos.
O acampamento desenvolverá-se nos meses de julho e agosto. O horário normal do acampamento será de 9h a 14h. Com a possibilidade de um horário ampliado por serviço de comedor (14h-15h) –consultar preços-.
O dia 3 de junho começará o prazo de inscriçom, que permanecerá aberto durante todo mês. Os preços variarám segundo a duraçom e tipo de acampamento eleito:
- Acampamento semanal: 25 euros.
- Acampamento mensal: 80 euros, com o desconto de 20% para @s irmás/aos que se inscrevam a partir do segundo.
- Acampamento completo: 120 euros, com o desconto de 20% para @s irmás/aos que se inscrevam a partir do segundo.
