Sob o lema "Contra os ataques a educaçom. Defendamos o ensino público", realizou-se na noite de ontem umha ocupaçom na UDC, em defesa da educaçom pública e para fazer um apelo à participaçom na greve geral. Esta ocupaçom foi promovida pola Assembleia de Estudantes da UDC-UDC em Luita, a Liga Estudiantil, Comites, Sindicato de Estudantes, Acampada ETSAC e estivo acompanhada de umha série de atividades, apresentaçom do manifesto, debates, documentários e construçom de material agitativo. Na manhá de hoje houvo um pequeno almorço popular prévio a umha manifestaçom polo campus de Elvinha da Universidade Corunhesa.

Na cidade de Vigo, a Assembleia de estudantes de Vigo, a Liga Estudiantil e Comités promovêrom umha ocupaçom que, como no caso anterior, defende a universidade pública e rejeita a mercantilizaçom da educaçom e a Estratégia Universidade 2015, assim a participaçom na Greve Geral de 14 de novembro. Durante a jornada de ocupaçom, aproveitou-se para debater e projetar o documentario "A educaçom proibida".

GZ Videos realizou um vídeo sobre esta iniciativa, que pode ver-se aqui.