Foto de Alejandro Arce Herrero (CC by/2.0/) - Fatoria da Citröen em Vigo.
Manifestaron e coincidiron no seguinte:
Constatan que "existe unha deficiente formación e información sobre a prevención en materia de riscos laborais, tanto nas empresas matrices como nas auxiliares do automóbil, que incumpren en moitos casos a normativa legal e pon en risco a saúde do persoal".
Senten que "declinasen a súa presenza os compañeiros doutros sindicatos de clase", e esperan que poidan coincidir "nas conclusións que desenvolvemos nesta xornada, e nas futuras que se celebren".
Constatando que os problemas de Seguridade e Saúde son comúns para todos os traballadores/as, acordaron colaborar en materia de Seguridade e Saúde, compartindo a información e así transmitir mellor aos/as traballadores/as como defenderse ante os incumprimentos das empresas e das mutuas.
Viron a necesidade e comprometérense a realizar xornadas formativas, co apoio de CGT FESIM, e CUT Galiza abertas a todos os/as traballadores e traballadoras nas que se informará de todos os aspectos que se deben coñecer para "defendernos das accións das empresas e mutuas e dos seus incumprimentos en materia de Seguridade e Saúde".
Por último, transmiten a todos os traballadores e traballadoras que non se conformen nin admitan o que “lles digan” dende a empresa ou mutua. Que hai ferramentas legais, e sobre todo sindicais, para facerlle fronte e conseguir mellorar esta situación.
Tanto a CUT como a CGT, comprométense a apoiar e defender a todas aquelas persoas que queiran defender o valor máis importante que temos; a saúde e a vida.