Desde a aprovaçom do ERE em 2013, o grupo empresarial La Capital, que inclui o Diario de Ferrol, El Ideal Galleg, DxT Campeón, Diario de Arousa e Diario de Bergantiños tem imposto reduçons de salários de 33%, além do correspondente corte nos subsídios de desemprego que disso deriva.
Seguírom-se reduçons nos quadros de pessoal, com despedimentos em péssimas condiçons para o pessoal afetado, como aconteceu recentemente com as trabalhadoras mais veterenas no Diario de Ferrol e outras no El Ideal Gallego.
Atrasos nos pagamentos de salários de até três meses, jogando com as margens legais e impedindo assim a denúncia por falta de pagamento. De facto, as trabalhadoras e trabalhadores denunciam que nestes momentos som dous meses os que tenhem em atraso, além de parte da paga extra de dezembro de 2014.
A resposta do coletivo de trabalhadoras e trabalhadores é agora a convocatória de dous dias de greve e, no caso de Ferrol, a manifestaçom que partirá às 19:30 horas da sede do jornal Diario de Ferrol em direçom à praça Jose Couso.
Entidades sociais de Ferrol figérom público o seu apoio à luita do pessoal do Diario de Ferrol, apelando à participaçom na marcha de hoje. O coletivo de trabalhadoras e trabalhadores tem presença no FB aqui aqui e no twitter aqui.