Esta concentración enmárcase dentro da Semana de loita convocada contra esta empresa, en protesta polas prácticas de precarización que practican a través de filiais como Arvato-Qualytel e dos despedimentos que realizou na cidade salmantica, moitos deles de afiliadas e afiliados á CNT.
Podedes seguir o conflito da CNT de Salamanca na súa páxina web.
A seguir colamos o texto dos panfletos que repartimos na concentración:
Arvato-Qualytel, empresa que presta servizos de telemarketing e atención ao cliente para Orange, destrúe emprego estable ao cubrir postos de traballo ordinarios con contratos temporais. Así manteñen a un bo puñado de persoas na máis absoluta precariedade.
Somos centos de traballadoras e traballadores as que renovamos contratos cada 10, 15 ou 30 días, coa ameaza constante de ser despedidos se non chegamos aos obxectivos marcados por Arvato-Qualytel e Orange.
Non gozamos de vacacións, temos menos días de permiso, e por suposto non temos ningún dereito a indemnización por despedimento. E iso aínda que teñamos garantido o despedimento cada dous anos para non pasarnos a contrato indefinido.
A inspección de traballo certificou o evidente, declarando en varias ocasións que estes contratos temporais realízanse "en fraude de lei".
A CNT denuncia esta estafa manifesta na que se atopan varias das súas afiliadas, e que están á espera de xuízo.
Esiximos a contratación directa e indefinida de todas as persoas con contratos temporais e a readmisión inmediata dos compañeiros despedidos.