Umha campanha iniciada no passado mês de março e que rematará o vindouro domingo 26 de maio, quando em assembleia os comuneiros e comuneiras de montes de Cabral, aceitaram ou rejeitaram a construçom do Porto Cabral.

De NÓS-Unidade Popular rejeitamos a sua criaçom desde o primero momento, e apelamos a que os comuneiros e as comuneiras de Cabral votem em contra do projeto, que nom se deixem enganar com falsas promesas como a de criaçom de emprego, que nom sejam cúmplices de outro "pelotaço" urbanístico de Caballero e da desapariçom do pequeno comércio.

Durante os últimos três meses, a Assembleia Comarcal da Unidade Popular de Vigo realizou umha intensa campanha informativa para desmontar as mentiras lançadas polo governo de Caballero, assim como a dos meios de comunicaçom.

Tentamos humildemente contribuir a conscienciar o povo trabalhador viguês das nefastas conseqüências do Porto Cabral. Além da nossa labor informativa, também figemos umha importante campanha de agitaçom e propaganda nas ruas do bairro de Cabral, assim como na rede, com a recolhida de assinaturas para tentar paralisar o projeto.

O resultado do vindouro domingo, seja qual for, nom é mas que umha batalha. A vizinhança de Cabral adquiriu experiência na luita popular, e temos que valora-la como positiva.

Nas vindouras semanas e meses haverá mais conflitos, despejos, encerramento de empresas, despedimentos... e só mediante a luita permanente e encadeada na rua podemos atingir os nossos objetivos.

Caballero escuita, Cabral está em luita!

Vigo, 22 de março de 2013