Previamente, a CUT tentou pôr em conhecimento do SERGAS as suas suspeitas, perguntando reiteradamente à Gerência do Complexo Hospitalar Universitário de Compostela (CHUS), organismo público dependente do SERGAS e responsável do serviço e vigia da contrata, por ativa e por pasiva se fora a administraçom quem detraera à empresa esta quantidade, respondendo-nos esta administraçom que nom.

Portanto, e sem ter recebido comunicaçom do serviço de inspeçom da contrata, garante do cumprimento das cláusulas que atam a empresa e à administraçom, tampouco a comunicaçom da abertura de pesquisa algumha, a CUT decidiu informar à autoridade judicial por possível comissom de um ilícito penal.

A CUT leva tempo exigindo acabar com o obscurantismo com as contratas públicas, algo que só se pode conseguir mediante um exercício consciente de transparência que a administraçom do PP nom está disposta a realizar. Exigimos que os Comités de Empresa e a cidadania tenha acesso ao detalle dos pactos económicos das contratas, fiscalizando assim popularmente a verba do dinheiro público à empresa privada. Lembramos que se está a recusar reiteradamente à representaçom coletiva o acesso a umha informaçom vital para o estabelecimento das condiçons laborais nos serviços privatizados.