A Renda Básica das Iguais en Galiza (RBdisG) consiste no dereito que ten cada persoa a percibir periódicamente uns ingresos que lle permita cubrir as súas necesidades. Tratase dun dereito que ha de percibirse de xeito individual; universal e incondicional e cuxa contía económica sexa, polo mínimo, igual ao limiar de pobreza. As vías para acadar os ingresos necesarios para implantación deste dereito consisten na re-asignación do gasto público e na reforma do sistema fiscal.

A RbdisG é un instrumento que ten como obxectivo: a curto prazo, redistribuír as rendas dos que máis teñen nesta sociedade para aquelas persoas que máis a necesitan; un segundo, de longo prazo, o de transformar o sistema desde parámetros de equidade e xustiza social.

Segundo o último informe da Rede Europea contra a Pobreza (EAPN), 23,7% da poboación galega, un total de 662.515 persoas, atópanse en situación de pobreza ou exclusión social no 2011, 65.386 delas en condicións de privación material severa.