O goberno de Mariano Rajoy regresou de vacacións e con el reinícianse os Consellos de Ministros nos que, venres tras venres, se perpetran novas medidas que inciden en máis recortes sociais e laborais, abren as portas a novas privatizacións ou afondan no desmantelamento e deterioro dos servizos públicos. Contra esas políticas dirixidas a protexer e beneficiar os intereses de banqueiros, especuladores e defraudadores, a CIG chama a participar nas concentracións conxuntas que se convocarán este venres nas distintas comarcas de Galiza.
Aos sucesivos paquetes de medidas impostos polo PP a golpe de decreto, que até o de agora só teñen provocado máis recesión, máis paro e máis empobrecemento, engadiranse novos recortes xa anunciados para a súa aprobación neste primeiro Consello de Ministros tras do período vacacional, nomeadamente o endurecemento das condicións para acceder a axuda de 400 €. Medidas que terán aínda máis graves consecuencias para a clase traballadora de efectivizarse, como está previsto, a solicitude de rescate ao Estado a mediados de setembro ou de atender ás recentes recomendacións do BCE de seguir rebaixando os salarios para aumentar a produtividade.
Contra estas políticas neoliberais auspiciadas desde as instancias económicas internacionais (FMI, BCE) -e plenamente compartidas pola dereita española- retómanse as convocatorias de concentracións conxuntas nas distintas comarcas do país.
Concentracións confirmadas
Localidade |
Hora |
Lugar |
Vigo |
11:00 h |
Edificio Administrativo da Xunta |
Pontevedra |
11:00 h |
Subdelegación do Goberno |
Compostela |
12:00 h |
Praza de Galiza |
A Coruña |
12:00 h |
Delegación do Goberno (Praza de Ourense) |
Ferrol |
12:30 h |
Edificio Administrativo da Xunta |
Ourense |
11:00 h |
Subdelegación do Goberno |
Foto: CIG