Um ERE? Que cousa é um ERE? 

Estas palavras, Expediente de Regulaçom de Emprego, que cada vez soam mais a miúdo, nom significam outra cousa que um despedimento coletivo realizado com mui escassas justificaçons por parte da empresa (apenas a previsom de diminuir os lucros, sem necessidade de que existam perdas) e cumha indemnizaçom mui inferior a um despedimento normal. Também significa a capacidade de rebaixar-nos o salário, a jornada, e impor-nos qualquer forma abusiva de mobilidade geográfica e horária.

Isso vai ser aplicado em Coremain? A quem?

Com certeza, o Plano de Viabilidade que vos chegou terça de manhá inclui 27 despedimentos, que serán realizados nas áreas que apresentarem menor produtividade ou que poden afetar várias pessoas de cada umha destas áreas. En calquera caso, de momento pode ser despedida calquera persoa que traballe en Coremain. Todos podem ser um desses 27 elegidos. 

Também é incluído neste Plano “um ajuste salarial transitório”, o que significa unha baixada de salario para toda a plantilla. Esta baixada pode chegar ao Salario Mínimo Interprofissional (641,40 €) e non hai ningunha información nin garantía da súa transitoriedade. Canto vai durar esta rebaixa? Seis meses, un ano? Que garantía temos de que pasado este tempo a empresa non presentará un novo ERE e pasarán esas a ser as nosas condicións permanentes?

Inclusive, que nos garante que, dentro de seis meses ou un ano, a empresa non vai despedir a outra cantidade de traballadores?

Por que nos opomos? Que pedimos?

Desde a Sección Sindical da CNT en Coremain temos moi claro que non temos que ser nós, os traballadores e as traballadoras, as que perdamos dereitos se a empresa non gaña tanto como noutras situacións económicas. É máis, non cremos na suposta mala marcha económica da empresa. Se é así, debe ser demostrado con contas, que por suposto non se non ensinan. En realidade non se  trata máis que da típica estratexia das empresas para gañar máis a costa dos seus traballadores aproveitando a situación legal tan permisiva que resultou dos recortes e as reformas de Rajoy.

Non entendemos como é posíbel que sobren 27 postos de traballo nunha empresa na que a realización de horas extraordinarias é constante, sobre todo nos últimos dous meses. Se é necesario realizar horas extraordinarias, quere dicir que en realidade é necesaria a contratación de máis persoal.

Non entendemos que sobren 27 postos de traballo mentres a empresa cobre 20 novos postos con contratos en prácticas sen remunerar procedentes do INEM, se non é polo afán de acumular beneficios contratando traballadores que resultan máis baratas para a empresa, aínda que signifique o paro e a miseria para 27 persoas.

Non entendemos que o persoal teñamos que ver reducido o noso salario mentres a empresa non deixa de acumular beneficios, máis cando o noso salario xa é de por si suficientemente reducido. 

Exiximos, polo tanto, a suspensión inmediata deste ERE. Exigimos que a empresa non realice ningún dos despedimentos anunciados nin a baixada de salarios con que nos ameaça.

Está todo perdido? Que fazer?

Non, non está todo perdido. A empresa pode ameazar con despedirnos e baixarnos o salario, pode incluso despedirnos e baixarnos o salario, pero iso non significa nin que sexa legal nin que non teñamos forma de opoñernos a estas medidas. Agora é o momento da organización e a unidade, fundamentalmente antes de que se aplique o ERE. O sindicato sempre será a nosa mellor ferramenta.

Foto: Xanela - Sede de Coremain em Compostela.