1 1 1 1 1 1 1 1 1 1 (0 Votos)

270412 ruralGaliza - CIG Administraçom - Comunicado da Junta de Pessoal dos Serviços Centrais da Junta da Galiza.


A Xunta de Persoal denuncia ante a Consellería de Medio Rural e do Mar irregularidades na contratación con empresas de asistencias técnicas

A Xunta de Persoal dos Servizos Centrais da Xunta de Galiza solicitou aos diferentes departamentos a relación dos servizos contratados con empresas de asistencias técnicas, con indicación do número de traballadores, nome da empresa e importe da contratación, así como si prestan servizos en instalacións propias da empresa ou das Consellerías. Esta solicitude vén motivada polas reiteradas denuncias presentadas aos sindicatos sobre a existencia de persoal destas empresas que prestan os seus servizos nos edificios administrativos e empregan medios técnicos propios da Xunta de Galiza, dándose incluso casos de traballadores de empresas que dispoñen de enderezo de correo electrónico corporativo.

Só dúas Consellerías deron resposta aos escritos do órgano representativo: a Consellería de Medio Rural e a Consellería de Traballo e Benestar. Nas súas respostas, o anterior responsable deste Goberno na Consellería de Medio Rural cuestionaba a lexitimidade da Xunta de Persoal para solicitar esta información e negan a existencia da realidade coa que convivimos a diario nestas consellarías as empregadas e empregados públicos da Xunta de Galiza.

Ante esta realidade esta xunta de persoal presentou o día 18 de abril escrito ante a Consellería de Medio Rural e Mar denunciando o traslado ás instalacións de San Caetano da Secretaría Xeral do Mar, tanto do persoal propio da Xunta de Galiza como de, polo menos, 5 asistencias técnicas que xa prestaban servizos nesa Secretaría, promovendo o mantemento dunha situación de irregularidade que se viña dando dende hai anos, o que pon de manifesto o interese da Xunta de Galiza en posibilitar, a través da vía xudicial, o acceso á administración do dito persoal.

Este órgano representativo cualifica este tipo de prácticas de inaceptables, e máis ante o novo panorama normativo imposto pola lei 1/2012, do 29 de febreiro, de medidas temporais en determinadas materias do emprego público da Comunidade Autónoma de Galiza, na que se obriga aos empregados públicos a sufrir as consecuencias dos recortes que afectan gravemente aos seus dereitos, facultando ao Consello da Xunta a acordar reducións de xornada coa correspondente redución retributiva do persoal interino e temporal de ata un terzo da xornada efectiva, así como limitando a carreira administrativa e mobilidade dos empregados públicos con medidas de suspensión dos concursos de traslados e das ofertas de emprego público.

Acúsamos á Administración de burlar os principios de igualdade, mérito e capacidade contemplados na normativa que regula os procesos de provisión de postos, e non prestar importancia aos gastos de procesos xudiciais e os derivados de execución de sentenza, xerados como consecuencia destas malas e cada vez máis frecuentes prácticas, gastos que toda Administración, SÍ DEBERÍA RECORTAR.

Por outra banda, ponse de manifesto que a contratación de empresas para realizar NA PRÁCTICA traballos que poderían ser desenvoltos por persoal propio da Xunta de Galiza (actuación moi habitual no Goberno do Sr. Feijoo), non é máis que un sistema de organización e método de traballo que por imperativo legal deben ser informados polos órganos representativos dos/as traballadores/as da Xunta de Galiza.

Estas prácticas teñen unha incidencia directa nos/as empregados/as públicos e facilitan OS RECORTES que tanto gustan e tan necesarios son segundo este Goberno, que se mostra encantado de atacar aos seus traballadores con este tipo de políticas e, por outra banda, fomentan, incrementan e actúan con falta de transparencia cando incrementan os gastos de persoal externo recorrendo a empresas como TRAGSA e TRAGSATEC para realizar función propias de empregados/as públicos, posibilitando a entrada a postos públicos, pola porta traseira, de amigos e familiares.

Santiago de Compostela, 19 de abril de 2012


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.