Ao finalizar da mesma o Comité Interempresas da CRTVG avalia a jornada do seguinte jeito:
O Comité Interempresas da CRTVG considera um sucesso a marcha em protesto decorrida ontem até as proximidades da Companhia
Os sindicatos pedem num manifesto que se remate com a perseguiçom aos trabalhadores e aos seus representantes.
A marcha, que partíu de San Lázaro ás 11:30 horas, contou coa participación de numerosos colectivos sociais, políticos e culturais, que, malia as adversas condicións climatolóxicas, camiñaron ata as instalacións da CRTVG en San Marcos baixo o lema “nin represión nin manipulación”.
Os sindicatos da CRTVG convocaron esta protesta, á que se sumaron máis de 400 manifestantes, despois de que o pasado día 30 de marzo máis dun cento de afectados polo que se coñece como “estafa das participacións preferentes” ocuparon as instalación da CRTVG en San Marcos argumentando a ocultación do conflito que lles afecta dende este servizo público.
No transcurso da ocupaçom, a representaçom sindical assumiu um papel de mediaçom e diálogo, tratando de manter em todo o momento o carácter pacífico da ocupaçom e evitar o confronto entre o quadro do pessoal e os afetados e afetadas. Porém, o Diretor geral da CRTVG abriu um expediente informativo para depurar responsabilidades entre as trabalhadoras e trabalhadores do serviço já que, segundo indicou, a ocupaçom das instalaçons nom teria sido possível sem a “colaboraçom, ativa ou pasiva, de pessoal próprio da CRTVG”.
Para os sindicatos, a única responsabilidade neste e noutros conflitos vem dada polas distintas direçons ao serviço dos governos do momento, mais preocupadas em ocultar os conflitos sociais que em dar umha informaçom veraz e plural à que o povo galego tem direito.
Ao finalizar a marcha, o presidente do Comité Interempresas leu um manifesto para denunciar esta política informativa e as práticas repressivas da Direçom Geral da CRTVG.
COMITÉ INTEREMPRESAS DA CRTVG, TVG, RTG
Compostela, a 21 de abril de 2012
