Dentro dos sectores mais poluíntes está a agricultura. Segundo estimaçons de Via Campesina, as emissons de gases efeito estufa provenientes da agricultura situam-se entre um 44 e um 57%. Porém é injusto pôr a toda a agricultura no mesmo saco.
Os países com maior percentagem de populaçom rural e cujas economias dependem da agricultura tenhem níveis mais baixos de emissom efeito estufa. Quando analisamos a contribuiçom total da agricultura à mudança climática, observamos que só umha pequena secçom de actividades agrícolas som responsáveis de case todas as emissons de gases efeito estufa da agricultura. A desflorestaçom causada por a mudança de uso da terra é responsável de perto da metade do total. Todo o aumento de poluiçom deve-se à industrializaçom da agricultura e do controlo das transnacionais do sistema alimentar.Eficiência energética da agricultura tradicional.
Fala-se muito do eficiente do sistema produtivo industrial em comparança com o sistema tradicional, mas se temos em conta a eficiência energética, vemos o afastado que está da realidade. Segundo dados das FAO, para produzir um quilo de milho um agricultor de EUA utiliza 33 vezes mais energia comercial que as camponesas e camponeses tradicionais do vizinho México. E para produzirem um quilo de arroz, um agricultor estado-unidense utiliza 80 vezes mais energia comercial que a utilizada por umha camponesa de Filipinas.
A agricultura tam só é responsável da quarta parte da energia utilizada para levar a comida às mesas. O esbanjamento de energia acontece dentro do sistema alimentar em senso amplo: o processado, refrigeraçom, cozinha e mobilizaçom da comida. Há cultivos que se produzem em Tailándia, som processados em Rotterdam, alimentam o gado no Brasil e rematam como comida do McDonald em Kentucky.
As propostas da classe política
Como soluçom a este desastre climático proponhem mais agricultura industrial, mais cadeias alimentares mundiais e mais liberalismo para a especulaçom com os alimentos. Assim se manifesta na nova Política Agrária Comum, na qual um dos piares é a produçom intensiva. Para depós, de maneira cínica, abrir umha linha de ajudas para "a mitigaçom da Mudança Climática. Outro exemplo disto aparece na Lei de Economia Sustentável do Governo do Reino de Espanha, onde nom se reconhece a agricultura sustentável como estratégica para mitigar a crise climática.
Mais informaçom em:
www.grain.org/o/?id=95
www.grain.org/biodiversidad/?id=455
