Sem avaliar a remodelaçom acometida, já que NÓS-UP considera que o acondicionamento, ordenaçom e melhora dos serviços públicos deve ser umha obriga da gestom municipal, queremos facer-nos eco dalgumhas das declaraçons feitas polo alcaide Nelsom Santos ao respeito da devandita obra.

"O investimento económico, que num principio ascendía a 75.000 euros finalmente ficou em 55.000 euros, supondo umha poupança de 20.000 euros, já que os trabalhos forom relizados polo pesoal de vías e obras do concelho".

A Assembleia Comarcal da Lourinha de NÓS-UP, é consciente da importáncia que tem a criaçom e utilizaçom do trabalho e a empresa pública em beneficio das/os porrinhesas/es. Polo que levamos tempo propondo umha série de medidas alternativas, destinadas à criaçom de emprego público, que sem dúvida teriam um impacto mui positivo sobre a economía minicipal:

1º- Criaçom da Escola Coperativa Municipal de Obras (ECMO), Onde trabalhadoras/es da construçom, metal, eletricidade, canalizaçom, etc, em situaçom de desemprego poderíam cubrir as necessidades do concelho nastas matérias. Isto criaría emprego e tería menos custo para as arcas municipais.

2º- Municipalizaçom de todos os serviços públicos para fomentar e priorizar o emprego público. Aliás reduciríam-se gastos municipais.

3º- Criaçom de coperativas agro-gadeiras. Este organismo municipal vai orientado à criaçom de emprego público. A comercializaçom destes produtos contribuiriam à economía local, supondo umha fonte de ingressos considerável.

Estas propostas som perfeitamente materializáveis, e a um custo mui baixo. Os beneficios a obter som evidentes, sempre que exista vontade política e altura de miras para aplicá-las.

Pouco a pouco, assistimos no nosso concelho à privatizaçom encuberta de importantísimos serviços públicos, como é o casso do parquing livre e gratuíto.

Há uns meses, a Cámara Municipal conseguiu a concessom do parking privado da Avenida da Galiza. Desde entom, constatamos como determinadas atuaçons urbanísticas vam orientadas à eliminaçom de vagas de estacionamento grátis (rotunda de Codesal 20 praças aproximadamente) evidenciando os fins recadatórios da regedoria de Nelsom Santos.

De NÓS-UP propomos a construçom de espaços de estacionamento nas entradas da vila, com um custo testemunhal para a vizinhança, e conetados continuamente com umha rede de transporte urbano. Dita mobilidade urbana, estaría conformada por veículos limpos de baixo consumo, ou inclusive complementado por um parque de bicicletas públicas.
À sua vez, esta medida criaría postos de trabalho, para condutores, pessoal de mantimento, segurança, limpeza etc.

Por um Porrinho ao serviço da classe trabalhadora !!!
Nom à privatizaçom !!!