Há quase dous anos, o governo bipartido (PSOE-BNG) anunciava, por separado e a tam só seis meses das eleiçons locais, a construçom dum pavilhom desportivo numha das paróquias periféricas da cidade, Candeám. Esta medida tentava corrigir as tendências de investir exclusivamente no centro de Vigo e subsanava umha demanda histórica do povo de Candeám.

A obra foi financiada sob os logótipos de Alcaldia (PSOE) e Tenência de Alcaldia (BNG) e tinha um prazo de execuçom de 11 meses. Após as eleiçons a obra paralisou-se, e mais de um ano depois, todo segue igual, nom há nengumha novidade.

A Assembleia Comarcal de NÓS-Unidade Popular de Vigo é consciente das mentiras eleitorais dos partidos políticos burgueses que, cada quatro anos, só procuram em base a promessas respaldo eleitoral da vizinhança. Sabemos que a “soluçom” das necessidades urgentes de qualquer bairro ou paróquia som empregadas como moeda de troco, para movimentar votos. Sabemos que processo eleitoral após processo todo fica em água de bacalhau. Salvo algumha excepçom sempre ficam no fundo dumha gaveta.

De NÓS-UP denunciamos, mais umha vez, as falácias e demagogia eleitorais do atual responsável da Cámara municipal de Vigo, assim como dos seus cúmplices do BNG, e exigimos a imediata finalizaçom do pavilhom polidesportivo de Candeám.

Vigo merece algo melhor!

Foto: Nós-UP - Abel Caballero, Presidente da CM de Vigo.