Quando só passárom umhas semanas da reforma do sistema de prestaçons o Partido Popular volta a carregar contra os desempregados e desempregadas ante a iminente desapariçom do Plan Prepara a partir do próximo dia 15 de agosto.

O Plan Prepara é um programa do governo espanhol que consiste num subsídio de 420 euros às desempregadas e desempregados de longa duraçom que tiverem esgotado a sua prestaçom. O tal Plano, que substituia o Prodi, expirará no próximo dia 15 de agosto, umha vez que transcorram os 6 meses de prórroga e todo parece indicar que nom será renovado.

A finalizaçom do Plan Prepara afetará na Galiza os mais de 75.000 desempregad@s que desfrutavam do subsídio previsto no programa agravando a situaçom que atravessa este coletivo que se somará às 104.136 pessoas que nom recebem qualquer prestaçom ou subsídio.