Currás anunciou no site municipal que GSD é “umha garantia”. Contrastam estas “políticas de gasto” e “preocupaçons” com notícias aparecidas nas últimas semanas, como a ampliaçom dos períodos de revisom para doentes de cancro no CHUS, o repagamento de medicinas dos pensionistas, a clausura da biblioteca das Casas Reais, a campanha mediática para nos apresentar como “sucesso” o descenso do desemprego em junho como resultado da massiva contrataçom-lixo do verao, etc. Mas, que nom se diga, ainda que nom haja pam, o circo estará “garantido” pola máxima autoridade local.

Empresas estrangeiras

Questom de destacar é também o gosto do PP local por contratar os fogos a grandes empresas foráneas, quando neste país temos umha longa tradiçom fogueteira e empresas da nosa comarca poderiam fazer-se cargo da preparaçom dos fogos a preços muito inferiores aos de GPD e deixando valor na Galiza. Por certo, Ángel Currás pensa que as empresas de fora oferecem mais “garantias” que as próprias. É o próprio de um governo municipal que tem por norma renegar do próprio.