Como anunciávamos já no anterior comunicado, nom era a primeira vez que o Concelho de Salvaterra com Arturo Grandal á cabeça, nom só permitia, como também era a mao executora da existência do cúmulo dos lixos.

Esta vez, e parece que com a pretensom de fugir dos olhos da vizinhança, chegava a nós há uns dias a informaçom de que desde fai já bastante tempo, num "recuncho" bem oculto, lindante com terreio privado de umha empresa de pedra, pertencente esta a sua vez a outro Concelho, se encontram duas grandes montanhas de lixo, na paróquia de Cabreira.

Estamos já fartas e fartos de ver como diariamente os concelhos fam e desfam ao seu antolho sem que a vizinhança sejamos conscientes e escapando consentidamente da legalidade. É por isso que nom nos cansaremos de reivindicar mediante todos os meios ao nosso alcance, pois nom estamos dispostas a conviver em harmonia com pontos de lixo que poluem o nosso chao, água e ar, além de serem umha fonte de infeçom e ninho de ratas.

Umha outra vez, e assim as que sejam necessárias apresentamos no dia 23 de maio, nos Julgados de Ponte Areias, umha nova denúncia, pois nom pensamos deixar que o PP e Arturo Grandal como máximo responsavel fiquem sem denúncia judicial ainda sabendo que o mais provável é que fique impune por este grave delito contra a saúde pública.

De NÓS-Unidade Popular exigimos que imediatamente sejam retirados ambos pontos de lixo, o da depuradora e o da paróquia de Cabreira. Assim como que se crie umha comissom com a firme intençom de solucionar um problema do que como em quase todos os outros a Câmara municipal do PP escapa.

Por umha recolha eficiente de lixo e o seu translado a pontos limpos declarados e condicionados.