Em Ferrol, decorre a homenagem organizada cada ano polo partido político em que José Ramom Reboiras militiva na altura. A UPG fai umha concentraçom na praça do Concelho de Ferrol, donde se parte em direçom à porta onde Reboiras caiu morto, na rua da Terra. A seguir, haverá um ato político na alameda do Cantom de Molins, com intervençons do secretḉario-geral da UMG, Adrián R. Bravo, da vereadora do BNG em Ferrol Eva Espinheira e do secretário-geral da UPG, Néstor Rego.

Também em Ferrol, decorre a convocatória da Comissom Moncho Reboiras, auto-organizada no ámbito da esquerda independentista da cidade para realizar diversas atividades em torno da figura comemorada. Assim, no dia 11 haverá umha palestra com participaçom do historiador Eliseu Fernandes e de Inácio Hernando, camarada de Moncho Reboiras, apresentados por Joám Lopes, veterano militante independentista na localidade. No dia seguinte, dia 12, será realizado um mural coletivo para reivindicar a figura de Reboiras, e o ato de homenagem no lugar da rua da Terra onde morreu, com poesia a cargo de Ramiro Vidal, Miguel Vento e Pim Patinho, e a intervençom de Lara Soto em nome da Comissom organizadora, que ontem mesmo apresentou umha moçom reclamando o reconhecimento institucional da figura de Moncho Reboiras por parte do Pleno municipal de Ferrol.

 No cemitério de Imo (Dodro) haverá neste ano dous atos de lembrança de Moncho Reboiras no dia 12 de agosto: às 12 horas, oferta floral da Fundaçom Moncho Reboiras, ligada à CIG, e às 13 horas, o ato do Movimento Galego ao Socialismo (MGS), com participaçom de X. Bautista Abuim, vereador em Dodro, Rafael Mouço, ex-presidente da cámara de Corcubiom e Noa Presas em nome do MGS. A seguir, haverá música com Mini e Mero.

Em Vigo, Agora Galiza fai umha convocatória no dia 12 às 20h30 na praça viguesa do Toural, no bairro de Teis. Já no dia 15, a FPG e Xeira fam a sua própria concentraçom no mesmo lugar às 12h30.

Som, ao todo, seis homenagens a Reboiras em três pontos do País significativos na vida do jovem patriota.