Passarom dezasseis anos desde aquela primeira manifestaçom nas ruas de Vigo coincidindo com o jogo R.C. Celta – S.D. Compostela, na que um grupo de moços e moças pertencentes às claques do Celta, Compostela e Deportivo reclamavam umha seleçom de futebol galega.
Aquela semente transformou-se no que hoje é Siareir@s Galeg@s, um colectivo com representatividade na Galiza, com umha trajetória avalizada por numerosos colectivos e pessoas da nossa sociedade e com ainda muito futuro por diante.
Anos de reivindicaçons, jornadas desportivas, palestras e muito ânimo nas bancadas encherom o nosso dia a dia, sempre com o horizonte posto no reconhecemento da nossa camisola azul e branca como oficial em todas as suas dimensons. Um colectivo que soubo perseverar nos momentos mais difíceis, com autogestom e com trabalho voluntário.
É por isso que nom podemos olhar cara outro lado quando vemos como desde o estado espanhol lançam ofensivas de adoutrinamento, quando nos negan o direito a ter umha seleçom própria, ou quando desportistas galegas nom podem acudir a um campionato europeu porque nom tenhem para pagar o aviom. Mas isto agrava-se quando quem tem que velar polos nossos direitos desportivos está sumido em processos judiciais, corrupçom e só nos oferece marginaçom, miséria e mais adoutrinamento político em forma de seleçom espanhola.
Perante estas condiçons tomamos a decissom, a responsabilidade e o compromisso de criar um grupo específico de trabalho.
Espalharemos a ideia da soberania desportiva como soluçom, ampliaremos a nossa base social e as nossas expectativas trabalhando côvado a côvado com outras plataformas do nosso mesmo sentir. Sem esquecer a quem tem dificuldades para dispor de um campo de treino, quem luita por abrir portas ou quem, sob um absoluto silêncio mediático, alcança grandes vitórias. Todas e todos eles serám os nossos aliados já que nom podemos entender umha inciativa deste tipo sem a participaçom e a colaboraçom conjunta.
Pro Oficialidade Galega e Siareir@s Galeg@s caminharám da mão nesta travessia chamada Oficialidade, com o objectivo de ouvir o hino galego de fundo num campionato oficial e internacional.
Desde o nosso coletivo convocamos-vos a atender esta apresentaçom o próximo sábado 11 de maio às 14.00 hrs no Pazo Provincial de Deportes da cidade de Lugo.
UMHA NAÇOM, UMHA SELEÇOM!
