A estreia do novo site coincide com o início da campanha que, como cada inverno, reclama a oficialidade plena das seleçons desportivas galegas e que culmina com um jogo amigável entre a seleçom galega de futebol e umha outra convidada doutro país, nesta ocasiom a do Curdistám, com a qual jogará no dia 29 de dezembro em Ponte Vedra.

O site ativado hoje renova tanto o aspeto visual, mais atual e funcional para a navegaçom e a interaçom por meio das redes sociais, como os conteúdos, que incluem as atividades do coletivo, mas também outras relacionadas sobretodo com o desporto de base existente na Galiza.

Vale a pena dar umha vista de olhos e desfrutar do novo espaço na rede d@s Siareir@s Galeg@s, umha boa ocasiom para também apoiar a atividade e as campanhas propostas polo coletivo popular que defende o direito do nosso povo a contar com a participaçom e o reconhecimento pleno internacional no mundo do desporto.

Reproduzimos a seguir o texto de apresentaçom do novo sítio, publicado na sua capa há escassas horas.

Siareir@s Galeg@s apresenta novo sítio web

Aproveitando as jornadas de dezembro nas que jogarám as seleçons da Galiza e do Curdistám, desde Siareir@s Galeg@s apresentamos o nosso novo sítio web. Este espaço servirá para a difussom das nossas actividades, suporte para material gráfico ou escrito e para a exposiçom do nosso catálogo de material, no que destacam as camisolas da seleçom galega de futebol.

A nova plataforma pretende ser mais ágil e permitir-lhe ao usuário ter umha experiência intuitiva e natural. O sítio web também funcionará de forma conjunta com as redes sociais, nas que já nos atopamos, para dar-lhe umha maior difussom a cada actualizaçom e para que os contactos do perfil oficial de Siareir@s Galeg@s sejam as primeiras em enterar-se de qualquer novidade.

Pedimos por adiantado desculpas polos possíveis erros que podam produzir-se enquanto o processo de implementaçom do sítio nom remate, mas que aguardamos sejam mínimos.