O ex-líder de ERC estará na cidade das Burgas hoje para falar sobre o processo de construçom nacional da Catalunha. Porém, o coletivo BDS-Galiza acudirá alí nom para o escoitar, senom para mostrar o seu rejeitamento às posturas "pro-israelís" do dirigente independentista.

"BDS-Galiza desenvolve no nosso país a campanha global de Boicote, Desinvestimentos e Sançons a Israel e, como parte substancial do seu labor, promove o boicote às actividades culturais em que participam persoas que defendem publicamente a ocupaçom de Palestina, justificam a violência que o estado sionista exerce contra o seu povo e se oponhem a qualquer iniciativa solidária que vise pôr fim ao processo de limpeza étnica iniciado polo exército sionista em 1948", aponta este grupo.

Por isso, denunciam a postura de Carod-Rovira ao que acusam de "conspícuo valedor das políticas racistas de Israel" e solicitaron ao coletivo A Esmorga que cancelara o convite a este dirigente. Ao nom cancelá-lo acudirám ao ato para mostrar in situ ao seu rejeitamento ao dirigente catalanista.