Maior do que a pandeireta, e com um jeito de tocar próprio ligado ao canto, tem animado durante séculos as festas populares, e gerado grande interesse em pessoal pesquisador na área musical.
A Festa da Pandeira visibiliza o instrumento e suas tocadoras e tocadores há já nove anos. Embora a maior parte das pessoas que atualmente possuim conhecimentos para tocá-la som idosas, a intençom da organizaçom é popularizar o instrumento para ele continuar "nas nossas músicas e se transmitir às novas geraçons". Componhem a dita organizaçom a A.C. O Teixeiro e o grupo de tocadoras Polavila.
O Piornedo (Ancares) abrigará a ediçom deste ano, na tarde e noite de sábado (23/08), com tocadoras das comarcas vizinhas dos Ancares, Eu-Návia e Berzo, para além de contar com particiçons doutros países como as Astúrias. A apresentaçom será de Rafa Bustos, Xermán Muíños e Xosé Antón Fernández.
A pessoa homenageada nesta edición é Cecilia do Coro (1937), nativa do Piornedo que aprendeu muito nova a tocar a pandeira e atualmente residente en Fontes Novas (Ponferrada).