Como fora anunciado, na sexta-feira, por volta das 20h00 tivo lugar na Casa da Cultura da capital limiá a mesa redonda formada por Camilo de Dios, Dionísio Pereira, Miro Martínez Cerredelo e Alex Rodríguez sobre as relaçons entre a Galiza e Portugal, nessa encruzilhada de emigraçom, exílio e persecuçom, com o galho da apresentaçom do livro de historiador Dionísio Pereira, "Emigrantes, exilados e perseguidos. A comunidade portuguesa na Galiza (1890-1940)".

Já no sábado, por questons meteorológicas suspendeu-se o roteiro previsto pola Edreira com a presença de Camilo de Dios, que ficou adiado para o dia 10 de maio, podendo os interessados e interessadas anotar-se para essa nova data.

No entanto, polas 22h00, como fora previsto, no Centro Social Aguilhoar finalizou a jornada com a actuaçom do grupo TERRA MORENA com umha nutrida presença. A malta desfrutou imenso das interpretaçons feitas do Zeca Afonso e cantaram conjuntamente o “Grândola, Vila Morena” que despediu aos músicos.

Da Aguilhoar parabenizamos à Pró-AGLP, AGAL e Assoc. de montanha Arnau pola boa organizaçom do evento.